NALUBONG buhi ang 4 anyos nga batang lalaki nga maoy hinungdan sa iyang kamatayon dihang aksidenting natabunan sa yuta nga gikubkob sa iyang amahan samtang naghimog extension sa ilang panimalay niadtong Sabado sa hapon didto sa Barangay Cabungahan, dakbayan sa Danao.
Si Junry Merlina Labador, ang gideklarar nga dead-on-arrival dihang nadangat sa Danao District Hospital human siya gidali sa pagdala sa iyang amahan.Si Chief Insp. Ricky Delilis, hepe sa Danao Police nga gikahinabi sa Sun.Star Superbalita nagkanayon nga ang amahan nagbugwal sa yuta diha sa iyang panimalay alang sa extension niini.
Ang iyang anak nga Si Junry, nagduwaduwa niadtong higayuna uban sa laing minor de edad nga igsoon ug mga ig-agawa dihang wala gilayon mabantaye sa amahan nga aksedenting natabunan sa mga gikubkob nga yuta.
Gidali unta sa pagdala sa tambalanan apan gideklara nga doa sa mga doctor.
Hinuon walay foul play ang kamatayon sa biktima kun dili aksindenting natabunan samtang ang inahan bata wala usab atol sa hitabo.
Si Judito Labador, 47, amahan sa biktima ug mangbombahay’g mangga sa maong dapit, nagkanayon nga nagpanpan siya sa uya niadtong higayuna sanglit wala siya makapamombag mangga niadtong Sabado.
Ang iyang anak nga namatay uban kini sa iyang maguwang nga 8 anyos nga si Jay, mga ig-gaw nga monor de edad nga sila si Lloyd, Ruel Jr. Niño ug laing 10 anyos anyos nga paryente nga nagduwa niadtong higayuna diha atubangan sa ilang panimalay.
Ang kinamaguwangan nga 18 anyos nagtrabaho, samtang ang laing maguwang nga 17 anyos sa eskwelahan niadtong higayuna kay dunay gitrabahong project.
NAGPANPAN
Samtang nagsugod siyag panpan sa yuta 10-14 ang gilapdan sa iyang extension nga himoon didto sa ibabaw nga gitagak sa atubangan sa balay nga bakilid ug gamay.
Apan nabalaka siya sa pagtrabaho kay ang iyang anak ug mga ig-agaw nagsigig duwa hinungdan nga iyang gibadlong nga mobalhin ngadto sa pagduwa sa panimalay sa iyang igsoon nga si Rudy.
Ang mga plastic toy gun nga pusil-pusil iyang gipa-uli tungod kay delikado kini kun mangai-igo ang mga bata.
Iyang gihatag ang tulo ka mga trak-trak ngadto sa iyang anak nga namatay nga gipalit niini atol sa fiesta sa Danao hinungdan nga nibalhin kinig duwa-duwa uban sa iyang mga ig-agawa ug igsoon.
Pagka-udto iyang gitawag si Junry ug maguwang nga si Jay aron sa pagpangaon sa paniudto apan ang mga apuhan niini nga sila si Estelito Ardiente ug Lucy, mitubag nga mokaon nalang siya kay ang mga bata ilaha nang gipakaon.
NATABUNAN
Apan gipahibawo siya ni Jay nga magdali kay nadat-ugan sa yuta si Junry.
Tungod niini naratol siya gumikan kay lima na ka tiil ang giladmon sa yuta nga iyang napanpan.
Nagdali siya sa pagkabkab sa yuta uban sa 8 anyos nga si Jay.
Apan gilayon niya makit-i hangtod nga ang iyang anak nga babaye nga si Sara Jane nga 17 anyos niabot ug nitabang nila sa pagkabkab.
Iyang nahikapan ang kilid sa lawas sa iyang anak ug dali niyang gikuha apan nalumoy na dihang iyang gialsa.
Nangayo gilayon siya panabang sa iyang bayaw ug ginikanan nga iyang silingan.
Giangkon niya nga wala gilayon siya makapangayog tabang sanglit ang iyang gihimo mao ang ang pagdali nga makoykoy ang iyang anak.
Nakita niyang daghang dugo nga nigawas sa sampot sa bata hinungdan nga iyang gihukasan sa ingon tan-won kon unsay hinungdan sa pag-agas sa dugo.
Apan wa siyay nakitang samad hinungdan nga gidali niyag alsa aron dad-on sa tambalanan sakay sa usa ka habal-habal.
Ang bata, sa wa pa mamatay, nakalitok og “Pa!”
Pwerti niyang lipaya kay nabalik ang panimuot nini, apan kalit lang nisuka og daghang dugo ug wa na gyud molihok.
Gipatik sa mantalaang SuperBalita Cebu Oktubre 04, 2011.