TULISAN nga nagkadugo ang senina nasikop human nagpatuo nga biktima sa pagpangulata sa dihang nasugatan sa nag-roving nga pulis ug nidala sa batan-on sa barangay hall sa Gun-ob, Lapu-Lapu City.
Adunay nakatudlo nga siya nihaom sa description sa tawo nga nitulis sa usa ka taxi driver sa miaging gabii ug nidunggab sa biktima tumong sa liog.Kasong robbery with frustrated homicide ang kaso nga giandam batok kang Richard Gallarde Jr., 18, ulitawo, taga Sityo Langob, Barangay Poblacion, dakbayan sa Lapu-Lapu.
Unang mirespondi ang Police Station 3 sa Lapu-Lapu City Police Office sa alarma nga pagpanulis sa taxi drayber nga si Rogelio Noynay, 33, minyo, taga Barangay Alang-Alang, dakbayan sa Mandaue.
Sa nahipos nga imbestigasyon sa Theft and Robbery Section (TRS), nisakay si Gallarde sa taxi nga adunay plate number GWJ-306 nga gimaneho ni Noynay gikan sa Sityo Langob, Poblacion, nagpahatod sa Barangay Gun-ob.
Apan paghiabot sa maong dapit, nausab ang huna-huna sa nagpaka aron-ingnon nga pasahero ug nagpahatod sa Barangay Canjulao.
Inay bayad maoy itunol ngadto sa naningil nga drayber ang 12 ka pulgada nga kutsilyo maoy gition sa liog sa biktima.
Gihansak ni Gallarde ang kutsilyo ngadto sa liog ni Noynay sa dihang nisuway og sukol.
Dali nga nakadagan gawas ang biktima ug nakahigayon pa og pangayo og tabang ngadto sa usa ka gasoline station nga nagsap-ong sa iyang nagkadugo nga liog hinungdan nga way nakuha nga kuwarta ang suspek.
Nasugatan sa mga sakop sa tourist police si Gallarde nga nagkadugo ang sinina ug sa dihang gipangutana sa mga pulis, nisulti kini nga gitabangan siya og kulata.
Gidala sa Gun-ob barangay hall si Gallarde aron kahatagan og tabang sa iyang gidangatan apan adunay nakabantay sa description sa batan-on nga mihaom sa description sa suspek sa bag-uhay lang nahitabo nga pagpanulis sa usa ka taxi drayber.
Gidala sa mga sakop sa TRS ug Homicide si Gallarde ngadto sa tambalanan diin nagpaalim sa iyang samad si Noynay ug positibo siya nga gitudlo nga maoy nitulis ug nidunggab kaniya.
Gipatik sa mantalaang SuperBalita Cebu Oktubre 04, 2011.
Unang mirespondi ang Police Station 3 sa Lapu-Lapu City Police Office sa alarma nga pagpanulis sa taxi drayber nga si Rogelio Noynay, 33, minyo, taga Barangay Alang-Alang, dakbayan sa Mandaue.
Sa nahipos nga imbestigasyon sa Theft and Robbery Section (TRS), nisakay si Gallarde sa taxi nga adunay plate number GWJ-306 nga gimaneho ni Noynay gikan sa Sityo Langob, Poblacion, nagpahatod sa Barangay Gun-ob.
Apan paghiabot sa maong dapit, nausab ang huna-huna sa nagpaka aron-ingnon nga pasahero ug nagpahatod sa Barangay Canjulao.
Inay bayad maoy itunol ngadto sa naningil nga drayber ang 12 ka pulgada nga kutsilyo maoy gition sa liog sa biktima.
Gihansak ni Gallarde ang kutsilyo ngadto sa liog ni Noynay sa dihang nisuway og sukol.
Dali nga nakadagan gawas ang biktima ug nakahigayon pa og pangayo og tabang ngadto sa usa ka gasoline station nga nagsap-ong sa iyang nagkadugo nga liog hinungdan nga way nakuha nga kuwarta ang suspek.
Nasugatan sa mga sakop sa tourist police si Gallarde nga nagkadugo ang sinina ug sa dihang gipangutana sa mga pulis, nisulti kini nga gitabangan siya og kulata.
Gidala sa Gun-ob barangay hall si Gallarde aron kahatagan og tabang sa iyang gidangatan apan adunay nakabantay sa description sa batan-on nga mihaom sa description sa suspek sa bag-uhay lang nahitabo nga pagpanulis sa usa ka taxi drayber.
Gidala sa mga sakop sa TRS ug Homicide si Gallarde ngadto sa tambalanan diin nagpaalim sa iyang samad si Noynay ug positibo siya nga gitudlo nga maoy nitulis ug nidunggab kaniya.
Gipatik sa mantalaang SuperBalita Cebu Oktubre 04, 2011.