CEBU, Philippines - Pipila sa mga nagsuka-kalibang nakauli na apan dunay nadugan.
Dugang pang napulo ka mga bata ug tigulang ang nalandig sa Badian District Hospital dugang sa una nang 32 ka mga tinun-an sa Tubod Elementary School ug pipila ka mga residente sa barangay Tubod sa lungsod sa Badian nga gikalibanga kagahapong adlawa.
Dugang pang napulo ka mga bata ug tigulang ang nalandig sa Badian District Hospital dugang sa una nang 32 ka mga tinun-an sa Tubod Elementary School ug pipila ka mga residente sa barangay Tubod sa lungsod sa Badian nga gikalibanga kagahapong adlawa.
Ang officer-in charge sa Badian District Hospital Dr. Evelyn Pamilgan mibutyag dihang nahinabi sa Banat News nga gikan kagahapon sa kaadlawon ug hangtud sa udto gibanabanang napulo ka pasyente ang nasulod sa maong tambalanan.
Ang bag-ong mga nasulod nagpangidaron og kapin sa usa ka tuig ug hangtud sa 49-anyos, niadtong miaging adlaw moabot og 32 ka mga tinun-an sa high school ug elementarya sa barangay Tubod ang nalandig sa maong tambalanan tungod sa pagsuka-kalibang atol sa ilang klase. Matud ni Pamilgan nga sa ilang gisusi ang giingong gikaon nga ice buko ug gi-inom nga ice water, apan aron pagsiguro gisusi na usab ang tinubdan sa ilang tubig mainom kun nakontaminado ba kini.
Hinuon nakagawas na kagahapon ang kadaghanan sa mga gidala sa maong tambalanan nga miabot sa kapin 50 ka tawo, 22 nalang ang na-admit dugang sa bag-ong napulo ka gidala kagahapon.
Ang mga pasyente giingong gikan sa barangay sa Tubod, Candiis ug barangay Alawihaw. Gibutyag sab sa nurse on duty nga si Julie Bacon dihang nahinabi sa Banat News hangtud kagahapon nagpunopuno na sa mga pasyinte ang ilang tambalanan ug niabot na sa lobby ang mga katre sa pasyente ang ilang gipamutang.
Hinuon giklaro niya nga walay angay kabalak-an sa tambal ug dextrose tungod kay nagpadala na ang Integrated Provincial Health Office (IPHO). Si Pamilgan mitambag nga likayan una ang pag-inom sa tinubdan sa tubig sa maong mga lugar ug pabukalan gyud ang ilang ilimnon. (BANAT NEWS)
© Banat News
Ang bag-ong mga nasulod nagpangidaron og kapin sa usa ka tuig ug hangtud sa 49-anyos, niadtong miaging adlaw moabot og 32 ka mga tinun-an sa high school ug elementarya sa barangay Tubod ang nalandig sa maong tambalanan tungod sa pagsuka-kalibang atol sa ilang klase. Matud ni Pamilgan nga sa ilang gisusi ang giingong gikaon nga ice buko ug gi-inom nga ice water, apan aron pagsiguro gisusi na usab ang tinubdan sa ilang tubig mainom kun nakontaminado ba kini.
Hinuon nakagawas na kagahapon ang kadaghanan sa mga gidala sa maong tambalanan nga miabot sa kapin 50 ka tawo, 22 nalang ang na-admit dugang sa bag-ong napulo ka gidala kagahapon.
Ang mga pasyente giingong gikan sa barangay sa Tubod, Candiis ug barangay Alawihaw. Gibutyag sab sa nurse on duty nga si Julie Bacon dihang nahinabi sa Banat News hangtud kagahapon nagpunopuno na sa mga pasyinte ang ilang tambalanan ug niabot na sa lobby ang mga katre sa pasyente ang ilang gipamutang.
Hinuon giklaro niya nga walay angay kabalak-an sa tambal ug dextrose tungod kay nagpadala na ang Integrated Provincial Health Office (IPHO). Si Pamilgan mitambag nga likayan una ang pag-inom sa tinubdan sa tubig sa maong mga lugar ug pabukalan gyud ang ilang ilimnon. (BANAT NEWS)
© Banat News