GIBALHUG na sa Lapu-Lapu City Jail ang Kenyan national nga nakuhaan og tulo ka kilo nga suspected shabu human niluwat og commitment order ang korte kagahapon sa buntag.
Gipasaka na kagahapon ang kasong kalapasan sa Section 5 sa Republic Act 9165 kun Comprehensive Dangerous Drugs Act sa Lapu-Lapu City Prosecutor’s Office.Samtang nakurat ang mga National Bureau of Investigation (NBI) escort ug pipila ka mga court employee sa dihang nakuyapan ang suspek ug nahagba sa sementado nga lobby sa dihang mokanaog na unta sa ground floor sa Lapu-Lapu City Regional Trial Court (RTC).
Si RTC Judge Toribio Quiwag, Branch 27 niluwat na og commitment order batok ni Asha Atieno Ogutu, 24, lumad nga taga-Nairobi, Kenya, kansang bagahe nakuhaan og tulo ka kilo nga shabu atol sa iyang pag-abot sa tugpahanan sa Mactan niadtong Septiyembre 29 sa hapon.
Nisaad si Quiwag nga ang korte mohatag og abogado kang Ogutu samtang gipahibawo na usab sa NBI ang Kenyan embassy aron kahatagan og assistance ang maong dinakpan.
Gikatakda nga karon nang Miyerkules ang arraignment sa kasong transporting of illegal drugs batok ni Ogutu.
Gipatik sa mantalaang SuperBalita Cebu Oktubre 04, 2011.
Si RTC Judge Toribio Quiwag, Branch 27 niluwat na og commitment order batok ni Asha Atieno Ogutu, 24, lumad nga taga-Nairobi, Kenya, kansang bagahe nakuhaan og tulo ka kilo nga shabu atol sa iyang pag-abot sa tugpahanan sa Mactan niadtong Septiyembre 29 sa hapon.
Nisaad si Quiwag nga ang korte mohatag og abogado kang Ogutu samtang gipahibawo na usab sa NBI ang Kenyan embassy aron kahatagan og assistance ang maong dinakpan.
Gikatakda nga karon nang Miyerkules ang arraignment sa kasong transporting of illegal drugs batok ni Ogutu.
Gipatik sa mantalaang SuperBalita Cebu Oktubre 04, 2011.